నీ కోసమే ఈ అన్వేషణ…
నీ కోసమే ఈ నిరీక్షణ…
యదలో పొంగే ఆనందానికి…
మదిలో ఉప్పొంగే దుఃఖానికి…
పెదవి చాటున మౌనానికి…
గుండె మాటున భావానికి…
రేపటి స్వప్నానికి…
నేటి సత్యానికి…
క్షణక్షణం… ప్రతిక్షణం… నీవే సాక్ష్యం…
ఈ జీవితం ఓ కాగితం…
ప్రేమతో నువ్వు చేసిన సంతకం…
క్షణాలు కరిగిపోతున్నాయి…
గంటలు గడిచిపోతున్నాయి…
రోజులు యుగాల్లా గడుస్తున్నాయి…
కానీ నీ జ్ఞాపకాలే ఊపిరిగా…
నీ ఆశలే ఆయువుగా…
నువ్వే నా సర్వంగా… బతికేస్తున్నా…
ఎందుకో తెలుసా… నిన్ను చూసేందుకే….
నీ కోసమే ఈ అన్వేషణ…
నీ కోసమే ఈ నిరీక్షణ…
– యుగ (కె.ఎం.కె)
ఇదీ చూడండి: మీరు అనుకున్నది ఎప్పుడైనా జరిగిందా?
ఇదీ చూడండి: ఏమిటి ఈ ‘మనిషి’ బ్రతుకు?